මේ ලෝකයේ ජීවත්වන සෑම මනුෂ්‍යයෙකුටම වයස අවුරුදු 18 සම්පූර්ණ වෙද්දී එකිනෙකට වෙනස් සුපිරි බලයක් හිමි වෙනවා. අහසේ පියාසර කිරීම, මළවුන් සමඟ කතා කිරීමේ හැකියාව, කාලය ආපස්සට හැරවීම වැනි දේවල්වල සිට ඉතාම අමුතු, හාස්‍යජනක හැකියාවන් පවා මිනිසුන්ට ලැබෙනවා.
නමුත් මේ හැමෝම අතරේ වයස අවුරුදු 25ක් වෙලත් කිසිම සුපිරි බලයක් නොලැබුණු එකම තරුණිය තමයි Jen. හැමෝම තමන්ගේ බලයන් පෙන්වද්දී, සාමාන්‍ය කෙනෙක් විදිහට ඉතිරි වෙලා ඉන්න එක ජෙන්ට ලොකු මානසික පීඩනයක් ගෙන දෙනවා. ඇගේ හොඳම යෙහෙළිය වන කැරී, කැරීගේ පෙම්වතා කාෂ් සහ ඔවුන් අතරට අහඹු ලෙස එකතු වන බළලෙකුගේ ස්වරූපයෙන් සිටි ජිස්ලෝඩ් සමඟින් ජෙන් තමන්ගේ හැකියාව සොයාගන්න ගන්නා උත්සාහයත්, ඒ අතරතුර සිදුවන අවුල් ජාලා සහ විනෝදජනක සිදුවීම් පෙළත් වටා පළමු කතා සමය ගලා යනවා.
කොටස් 08 කින් සමන්විත මෙම පළමු කතා සමය පුරාවට Máiréad Tyers, Sofia Oxenham, Bilal Hasna, Luke Rollason සහ Siobhán McSweeney ඇතුළු රංගන ශිල්පීන් පිරිසක් අපූරු රංගනයක නිරත වෙනවා. මිනිත්තු 30ක පමණ ධාවන කාලයකින් යුත් කථාංගවලින් සමන්විත මෙම නිර්මාණය තුළ අඩංගු වැඩිහිටි දෙබස් සහ හාස්‍යජනක වැඩිහිටි දර්ශන හේතුවෙන් මෙය TV-MA (වැඩිහිටියන්ට වඩාත් සුදුසු) කාණ්ඩය යටතට ගැනෙන කතා මාලාවක් ලෙසයි වර්ගීකරණය කර ඇත්තේ.
සුපිරි වීර කතා අතරට නැවුම් හාස්‍යයක් එක් කරන මේ සුපිරි කතා මාලාව සිංහල උපසිරැසි සමඟින් නරඹා රසවිඳින්න!
Episode 01 Sinhala Subtitle Download
Comments
Post a Comment